= مليش دعوه انا هبات عندك النهارده ياحماتى
* يابنتى طب فهمينى اتخانقتوا ليه ؟ احكيلى
= زعقلى جامد
* زعقلك ليه ؟
= مينفعش اقول ياحماتى دى اسرار زوجية ، ومش انا اللى اطلع سر جوزى برا ...
* برا فين يا مجنونه انا امه !
= ولو ولو ياطنط ، ولو مش عاوزانى عندك انا هرن على امى تيجى تاخدنى ، منه لله انا لا يمكن ارجعلوا ابدا 😭
* يابنتى صلى ع النبى واطلعى لجوزك وبكرا كل حاجه تتحل ...
= عليه افضل الصلاة و السلام بس بردو مستحيل مستحيل ارجعله خالص
_ بياخد نفسه بالعافيه بسبب السلم _ متقوليلها انا زعقت ليه 😾
بعياط = شايفه ياطنط شايفه بيزعقلى ازاى منه لله 😭
_ اهو مش بزعق خالص اتفضلى قولى
= أحمد لو سمحت دى اسرار زوجية
_ وانا يا ستى زوجك ومسامح
= وهقول عادى وهو انا يعنى هخاف ولا هخاف ، مرضيش يخلينى أقص دلدوله ودنه بالمقص ياطنط
* نعم ؟؟؟؟؟؟؟؟
= ايوه والله يا طنط تخيلى ؟ رغم ان عندو دلدوله تانيه لكن استخسر فيا دلدوله واحده كنت هاخدها ، منه لله 😢
_ رفع التيشرت بتاعه وبصى يا امى على بطنى بصى !!
= استر نفسك بس استر نفسك
* طنط قعدت على الكرسى من كتر الضحك 🤣🤣
* ايه يا بنتى ده ! 😂😂
= ياطنط ماهو اللى نام وسابنى لوحدى زهقانه فارسمت عيون بالأيلاينر علي بطنه وحطيت روچ على سورته عشان يعنى بطنه تقول واااوو زى الإيموشن ده 😮
* .... !!
_ شايفه يا ماما شايفه الهبل اللى انا عايش فيه !
= ماهو ياطنط انا كنت زهقانه هو اللى نام وسابنى
* يا ابنى عندها حق الزهق يعمل اكتر من كدا وانت ليه تنام وتسيبها !
_ انتى معاها ولا معايا 😲
= معايا طبعا ياخويا فاكر عشان امك تبقى معاك ولا ايه لاا
_ يا ماما اصحى اعمل ايه الساعه 3 الفجر البنى ادمين بيعملوا ايه 3 الفجر 🤦🏻♂
= بيصلوا الفجر ياخويا 😝
= يابت مش عاوز أمد ايدى عليكى 👊🏻
= عاوز يمد ايدو عليا ! هو ده ياحماتى اللى احنا هنعيشك اميرة وانتى امانه عندنا و... بيزعقلااييى اهوه وبطل يحبنييى اعاااا 😱
* إهدى بس يابنى وكل حاجة هتتصلح والله و... ايه يااحمد ده ! خدودك ودقنك حمرا اوووى ليه كدا ؟؟
_ باصه ليه لفوق حضرتك السقف عاجبك ؟ متقوليلها ايه اللى حصل ف دقنى 😠
= ماهو يا طنط هفهمك ، قبل ماينام كنا زهقانين ف مسكت الملقاط عشان اعمله دقنه ...
* ملقااط !!
= ايوه بس زعقلى وقالى بتوجع قولتلى حاضر مش هعمل بالملقاط عشان كدا تانى
* جدعه قولتى حاضر وسمعتى الكلام
= ايوه والله ومعملتش بالملقاط تانى ، اول م نام عملتله دقنه بالقصافة
* !! ..... !!
مديت ايدى ناحيتها
= طنطى حبيبتى انتى كويسة ؟ 😦
* يا لهوووى ايه اللى ف ايدك ده يا بنتى !!
= لا ده هو عضنى عضه خفيفه متقلقيش ، بس ايه رأيك شبه الساعات صح ! .. أحمد تعالى اعملك زيها عشان نبقي شبه بعض 😄
_ تعالى يا حبيبتى اعمليلى
= أعضك ف الايد الشمال ولا اليمين 😃
_ أنا عاضك فين 😶
= ف اليمين ...
_ عضينى ف الشمال ، اصلا الساعات بتتلبس ف الشمال 😆
= يبقى انت كمان عضنى تانى ف الشمال زيك 😁
_ عيونى
= ونصورها ونحطها استورى اتفقنا
اتفقنا يا حبيبتى
* انتو مش متخانقين ! وانتى مستحيل مستحيل ترجعيلو وهتباتى عندى ؟! 🤔
نزلت تحت دراعه _ معندناش مراتات تبات برا بيت جوزها يا امى 😁😁
= يا رووحى
* جوز مجانين ياربى ، ربنا يصبرنى يااااارب !!
.
❤ ..... ❤
ليست هناك تعليقات:
إرسال تعليق