اتقوا الله في نسائكم

لقد تم اغتيال الانسانيه بكل ما فيها 💔💔💔

لا يصح ان نطلق عليك كلمه بنى ادم ولا حتى حيوان حتى لا نظلم الحيوانات 

فاانت لا شئ

بسم الله الرحمن الرحيم" ُثمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً ۚ وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ ۚ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ ۚ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ ۗ وَمَا اللَّهُ بِغَافِلٍ عَمَّا تَعْمَلُونَ"صدق الله العظيم 

جريمة هزت مصر

ايمان عادل .. بقرية ميت عنتر التابعة لمحافظة الدقهلية.. عندها 21 سنة وطالبة في الفرقة الثالثة كلية العلوم وأم لطفل رضيع 8 شهور.

إيمان متجوز شاب اسمه حسين .. حسين صاحب محل ملابس.. بس عينه زايغة مش مكتفي بمراته اللي شايله حمل طفل رغم انها بتدرس وشايلة بيت ودراسة .. وقرر يتجوز تاني .. هى واهلها رفضوا.. حقهم.. طلبت الطلاق برضه حقها.. انت مش عايز تتجوز تاني.. طلقها يا سيدي والله يسهلك..

دلوقتي انا كـ حسين عندي حلين لا ثالث لهما.. اما اطلقها واديها حقوقها .. او ارجع في قرار الجواز التاني واعيش مع مراتي.. بس دول لو كان بني ادم.

 هو عمل ايه... جاب عامل بيشتغل في تنظيف البيوت.. واداله مقاتيح شقته.. وقاله مراتي بتنام الساعة كذا.. هتروح تغتصبها وانا هخش عليكم .. الاقيكم في وضع مخل .. تهرب انت وانا هلم الناس عليها عشان مدفعش مؤخر ولا مقدم.

 وفعلا العامل لبس نقاب.. ودخل على الست بالمفتاح اللي ادهاله الزوج... دخل يا سيدي .. يغتصبها.. راحت قازمت خنقها قتلها.. وبعد ما قتلها نام معاها.. يعني عاشرها وهي ميتة.. شايف القذارة.. 

وبعدين طلع رمي النقاب .. وراح لصاحبه.. قاله انها ماتت.. جوزها ابن الكلب.. قعد يعيط ووقف ياخد عزاها وهو منهار.. وبعدين النيابة كشفت انه هو اللي مسلط العامل عليها عشان يطلقها من غير ما يدفع حاجة.

 عشان يبقى السؤال.. عمرك شفت سفالة اكتر من كدا.. انت متخيل ان دا بني ادم عايش وسطينا.. بتفكيره القذر..في كام واحد زيه.. كام واحد مستعد يعمل كدا في عرضه.. كام واحد يحرم ام من طفلها عشان حيوان.

احنا عايشين في وسط ناس منحطة .. ناس مريضة نفسية .. ناس غلبت الشيطان في الشر .. ناس مواليد برج القذارة .

 والنبي وانتوا بتختاروا ازواج لبناتكم مترمرموش.. مترمرموش.