#المختصر_المفيد_في_الكوفيد
🌿🌿 اذا شكيت إن عندك كورونا تعمل ايه ؟!🤔
🟣 مبدأيا لازم تعرف ان في الوقت الحاضر ،، فكرة انك تلف انت و عيلتك على مستشفيات العزل عشان تدور على مكان تتعزل فيه عشان انت مريض كورونا هي فكرة ساذجة و غير منطقية اصلا
🟣 و لازم تعرف حاجة مهمة جدا : ان الكورونا دلوقتي بتنقسم طبيا لنوعين ،،
1. كورونا غير مرتبطة بالتهابات رئوية non-pneumonic covid
2. كورونا مرتبطة بالتهابات رئوية pneumonic covid
(اقل من ١٠٪ من الحالات)
طيب انا كشخص عادي افرق بينهم ازاي ؟!
شوف حضرتك ببساطة ،،
1. النوع الأول : بيكون الفيروس فيه مش مأثر على الرئة و مفيش اعراض تنفسية ،، اللي هي ايه ؟!
( 🔺 كحة - وجع بالصدر - ضيق في التنفس - نهجان مع اي مجهود او بدون - او حرارة عالية جدا مبتنزلش و مش بتستجيب لخوافض الحرارة - همدان شديد و تكسير)
مفيش الاعراض دي - سنك اقل من ٦٠ سنة - مفيش امراض مزمنة :
يبقى انت ان شاء الله في الأمان ،، حتى لو فيه سخونية - رشح - التهاب في الزور - فقدان في حواس الشم و التذوق - اسهال - الم في الأذن و غيرها من الاعراض
⛔️ يبقى تعمل ايه ؟!!
ولا حاجة ،، ،، ولا حاجة ازاي يا دكتور ؟!!
ايوه ولا حاجة ،، تعزل نفسك في البيت مع سوايل وراحة و مسكنات عند اللزوم اذا احتجتها
⛔️ طيب يا دكتور و الادوية اللي بيتكلمو عنها على النت دي ؟!
كل ده كلام فارغ ،، و كل الادوية دي ضررها اكبر بكتير من نفعها ،، ده لو ليها نفع اصلا ،، و كل بروتوكولات العلاج الجديدة في الدول المحترمة شالتهم اصلا من العلاج
متاخدش اي حاجة ابدا ولا بلاميسين ولا خراميسين ،، متخلوش مناديب شركات الادوية على النت يشتغلوكم
فقط فيتامين سي وزنك واكل صحي ونوم جيد
✋ انت مش محتاج علاج اصلا و كل البروتوكولات العالمية بتقول كده ،، و طبعا مش محتاج مستشفى عزل ،، اصلا الرعاية اللي هتلاقيها في البيت هتكون بالتأكيد افضل ١٠٠ مرة و هتساعدك انك تتخطى الدور ده و كمان هتحميك من التعرض لجرعات اضافية من الفيروس (viral load) من المرضى التانيين
2. النوع التاني : في اعراض تنفسية
( 🔺 كحة - وجع بالصدر - ضيق في التنفس - نهجان مع اي مجهود او بدون - او حرارة عالية جدا مبتنزلش و مش بتستجيب لخوافض الحرارة - همدان شديد و تكسير )
ساعتها لازم طبيب متخصص يشوفك ،، هيكشف عليك
و المفروض يشوف علاماتك الحيوية و يعمل لك :
- اشعة عادية على الصدر او مقطعية زي ما يحدد هو
- صورة دم كاملة و معاملات تجلط
لو كويسين تماما و مفيش عوامل خطورة متعلقة بالسن او بامراض مزمنة ،، هتتعامل معاملة النوع الاول ،، مفيش علاج من اي نوع و راحة و عزل بالمنزل مع المتابعة
لو فيهم مشاكل الدكتور ساعتها بيحدد محتاج متابعة - يبدأ معاك علاج و تروح بيتكم - او محتاج حجز في المستشفى ،،
شوفتم بقى اكتر من ٩٩٪ من الحالات مش بتحتاج مستشفى اصلا - و مش معنى مريض كورونا يبقى لازم مستشفى ،، احنا تخطينا المرحلة دي من شهر فات على الاقل
طيب لو حضرتك عازل نفسك في البيت امتى تحتاج تروح لدكتور تاني يشوفك ؟!
1. ظهور الاعراض اللي قولنا عليها و مكنتش موجودة
( 🔺 كحة - وجع بالصدر - ضيق في التنفس - نهجان مع اي مجهود او بدون - او حرارة عالية جدا مبتنزلش و مش بتستجيب لخوافض الحرارة - همدان شديد و تكسير )
2. الاعراض بتسوء مع الوقت خصوصا الم الصدر و النهجان
3. مفيش بدايات تحسن بعد ٥ ايام
4. اعراض لسه موجودة بعد ١٠ ايام
5. اسهال شديد و اعراض جفاف
6. بقع على الجلد - نزيف تحت الجلد
7. اضطراب في درجة الوعي او هلوسة
#الخلاصة : متقعدش تلف و تدور على مستشفى تتعزل فيها انت و عيلت ولا تجري ورا مسحات ،، اولا حضرتك في الاغلب الاعم مش هتحتاج و ثانيا مش هتلاقي مكان و ثالثا حتى لو لقيت هتتبهدل على الفاضي ،، المستشفى للضرورة بس فقط لو الأعراض التنفسية والاشعه المقطعية فيها مشكلة.
#مفيش حاجة تثبت الكورونا غير مسحة PCR والأشعة علي الصدر.
وربنا يحفظ الجميع
#Copeid
ليست هناك تعليقات:
إرسال تعليق